Денес, биткоинот се тргува околу 90.000 долари. Ова е пад од околу 1–2 проценти во последните 24 часа, што ја потврдува извршената корекција по неодамнешните флуктуации. Пазарот реагира на зголемена неизвесност околу одлуките на Federal Reserve (ФЕД), а барањата за високи каматни стапки го зголемуваат притисокот на ризичните средства, вклучувајќи криптовалути. Ова за инвеститорите значи дека краткорочно волатилноста останува и дека пазарот е чувствителен на глобални финансиски сигнали.

За новите инвеститори моменталната цена под 100.000 долари може да изгледа како прилика, но треба да се има на ум дека крипто-пазарот е и натаму високо-ризичен.

Во наредните денови треба да се следат одлуките на ФЕД и меѓународните економски показатели. Исто така треба да се следи движењето на пазарот за големи инвеститори и институции но и генералната состојба на глобалните финансии, вклучувајќи потенцијални геополитички или финансиски шокови, тие можат да влијаат драматично на волатилноста.

Пад за биткоинот на почеток на декември, се тргува по 86.000 долари

Во меѓувреме, голем играч на пазарот објави дека купил преку 10.600 BTC (приближно скоро 1 милијарда долари инвестиција), што е сигнал на доверба и ја потенцира зоната околу 90.000 долари како психолошка поддршка. Сепак, според некои аналитичари односот на BTC со традиционалните финансиски пазари (акции, технолошки акции) е значително поголем сега отколку порано, што значи дека негативни вести и притисоци од пазарите може поизразено да влијаат на цената на биткоинот. За оние кои инвестираат долгорочно: ваквите „корекции“ се нормален дел од циклусите на биткоинот. Купување во моменти на пад може да обезбеди пониска просечна цена — што, според некои прогнози, може да биде исплатливо ако криптопазарот закрепне.