Во близина на заразена фарма со визони во американската сојузна држава Јута е потврден првиот случај на ковид-19 кај диви животни од овој вид,  пренесува „Би-Би-Си“.

Во предупредувањето издадено до Меѓународното здружение за заразни болести, американските ветеринарни служби соопштија дека дивиот визон, кој бил позитивен на коронавирусот, бил во близина на заразената фарма во Јута.

Ова е прв познат случај на ковид-19, потврден меѓу диви визони, што предизвика загриженост дека вирусот може да се прошири и на оваа популација.

Визоните кои се одгледуваат на фарми поради нивното крзно, се подложни на заразување со коронавирусот.