По заминувањето на Панче Стојанов, раководството на Беласица брзо го реши тренерското прашање и за нов предводник на тимот го назначи Мартин Алаѓозовски.

За младиот стратег ова ќе биде втор ангажман како главен тренер во сениорска конкуренција. Неговото досегашно искуство на самостојна тренерска функција е поврзано со Брера, каде што во текот на 2025 година го водеше тимот на 24 натпревари.

Покрај клупските обврски, Алаѓозовски во моментов е дел и од стручниот штаб на младинските репрезентации на Македонија.

Беласица минатата сезона ја заврши на петтото место во Втората македонска фудбалска лига, а амбициите на струмичани остануваат високи. Целта и во новата сезона ќе биде вклучување во трката за врвот на табелата и обезбедување пласман во елитното друштво.