Капитенот на Ајакс, Матијс де Лихт е голема желба на шпанскиот шампион Барселона, но трансферот нема да се реализира. Според каталонскиот весник „Спорт“ кој е близок до Барселона, пишува дека клубот се откажал од намерата да го ангажира Де Лихт.

Причините се финансиите, односно Барселона не може да се натпреварува со Јувентус и ПСЖ кои нудат далеку поголема плата за Де Лихт.
Раководството на каталонскиот клуб откако го договори трансферот со Френки де Јонг, кој е добар пријател на Де Лихт, започна и преговори со младиот дефанзивец и начелно ги договорија обесштетувањето и платата.

Барселона му понуди на Де Лихт плата од шест милиони евра, но по неколку месеци се променија работите. Во трката за неговиот потпис влегоа и други екипи кои ја кренаа цената.

Според „Спорт“, италијанскиот шампион Јувентус нуди годишна плата од 10 милиони евра, додека ПСЖ е подготвен да издвои дури 12 милиони евра како плата за холандскиот репрезентативец.

Барселона го информира неговиот менаџер, Мино Рајола дека нема намера да ја зголеми понудата по што е јасно дека Де Лихт ќе кариерата ќе ја продолжи надвор од Шпанија.