Популарниот „дебелко“ смета дека ниту Леброн Џејмс, ниту Јанис Адетокумпо, не се најдобри, туку тоа е бекот на Бруклин нетс, Џејмс Харден.
– Со целосен респект кон Леброн Џејмс, Јанис Адетокумпо или некој друг, најдобар кошаркар на денешницата е Џејмс Харден. Никогаш не сум видел подобар играч во нападот од него. Мајкл Џордан и Коби Брајант беа далеку подобри во одбраната, но не знаеја да постигнат тројка како Харден. Исто така не беа толку добри во дриблинзите и во изнудувањето на слободни фрлања. Секој пат кога Харден ќе дојде под кошот добива слободни фрлања. Харден заслужува респект, тој е машина во напад – вели Баркли кој сега работи како ТВ аналитичар.

Харден на почетокот од годинава пристигна во Бруклин од Хјустон и сезонава има просек од 25.3 поени, 11.2 асистенции и 7.9 скокови по натпревар.