Енис Барди го одигра можеби досега еден од најдобрите натпревари во дресот на македонската А репрезентација, запишувајќи хет-трик во гостинската победа над Ерменија (0:5) во Ереван.

Со своите три голови во вечната листа најдобри стрелци во македонската А репрезентација престигна двајца поранешни македонски репрезентативци.

Играчот на Леванте има сега девет голови и се израмни со екс репрезентативецот Илчо Наумоски, а на осум застанаа Саша Ќириќ и Гоце Седлоски.

Барди може да го подобри својот учинок во следните репрезентативни настапи, пред него по 10 имаат Илија Несторовски и Горан Мазнов, а 11 има Езџан Алиоски.

– За мене сите сме капитени. Сета одговорност на теренот е на сите играчи. Секако мотивира капитенската лента, горд што бев вечерва во ваква улога во која биле претходно големи имиња. Имав можност да играм само со Горан Пандев и од него научив многу.

Сите сме среќни за победата, го знаеме селекторот Милевски, каков карактер има и неговите резултати зборуваат за неговата работа. Останува за нас да се бориме за тоа второ место кое според мене го заслужуваме – рече Барди кој е само петтиот фудбалер во историјата на македонската А репрезентација кој запишал хет-трик.

Милевски: Мотивираа критиките после Германија, играчите покажаа дека имаат голем потенцијал