4 C
Скопје

Банско отворено за скијачи и покрај негодувањата на Меркел

Ски центрите Боровец, Банско и Пампорово ги исполнуваат условите како резултат на сериозните инвестиции и не претставуваат опасност по здравјето на посетителите, објави бугарското Министерство за туризам, по повикот на германската канцеларка Ангела Меркел да ги затвори зимските центри во Европската унија поради состојбата со коронавирусот, пренесуваат бугарските медиуми.

– Ќе го кажам тоа директно – нема да биде лесно, но ќе се обидеме, изјави Меркел по состанокот со шефовите на регионалните влади.

Жариште на епидемијата на коронавирусот на почетокот на годината беа токму скијачки центри во Европа, а целта сега е да се избегне повторување на случајот со австрискиот центар Ишгл, кој беше прво огниште на заразата поради бавна реакција и бизнис интереси.

Прочитајте и...  По одлуката на Европскиот суд за недоследности во постапките за азил: „Фронтекс“ ги прекинува сите операции во Унгарија

Италијанскиот премиер Џузепе Конте веќе ја поддржа идејата на Германија за одложување на почетокот на ски сезоната. Според него, сепак, ќе биде потребно заедничко решение.

– Ако Италија одлучи да ги затвори своите скијачки центри, но без поддршка од Франција, Австрија и други земји, тогаш Италијанците ќе ризикуваат да заминат таму, враќајќи ја заразата дома, изјави Конте.

Австрија исто така изрази загриженост за овој план. Министерот за финансии Гернот Блумел рече дека ако ЕУ ги принуди ски-центрите да останат затворени, „тогаш ќе мора да се плати за тоа“.

Досега единствена држава која категорично ја откажа понудата на канцеларката Меркел е Бугарија. Од Министертвото во Софија соопштија дека инспекциите потврдиле дека во ски центрите се почитуваат мерките и дека ќе го сочуваат приматот на дестинација безбедна по здравјето.

Прочитајте и...  Започнува изградба на дел од патот Горни Дисан-Вешје

– Мерките ги опфаќаат активностите на лифтовите со кабини, оние со седење и класичните ски-лифтови. Туристите мора да ги покријат носот и устата со маска или друга заштитна опрема кога престојуваат во кабината и стартните точки. Бројот на патници во затворениот лифт може да биде ограничен по избор на операторот. Кабините треба да се дезинфицираат според распоред. Групите во ски училиштата не можат да надминуваат десет лица, се вели во соопштението на бугарското министерство.

Како и претходните сезони, во Банско, Боровец и Пампорово, најмногу гости очекуваат од соседните балкански земји.

Поврзани вести

Индискиот премиер Моди со најава: Ќе произведеме многу повеќе вакцини

Слободен печат

План за Брисел: Европскиот Парламент ќе прави сопствен центар за вакцинација против ковид-19

Слободен печат

Спасовски: Приведени 4 лица за Јавна соба – двајца велешани, еден битолчанец и еден од Штип

Слободен печат

Препорака од германскиот Комитет за вакцини: Производот на „АстраЗенека“ да се дава на лица до 65 годишна возраст

Слободен печат

Се гледа крајот: Шар Планина конечно станува национален парк

Весна Тодоровска

ЕУ ги ревидира правилата за патување: Олабавени рестрикциите за шест земји, меѓу нив и Руанда

Слободен печат

Остави Коментар