Ирак ја осуди денешната „агресија“ на Иран против Ербил, која однесе неколку цивилни животи во станбени области, соопшти ирачкото Министерство за надворешни работи.

Претходно корпусот на Исламската револуционерна гарда (ИРГЦ) објави дека го нападнал израелскиот „шпионски штаб“ во курдскиот автономен регион во северен Ирак.

Ирачката Влада ќе преземе правни мерки против овие дејствија, кои ги смета за повреда на суверенитетот на Ирак и безбедноста на неговите граѓани, вклучително и поднесување жалба до Советот за безбедност на ОН.