Градоначалникот од австралиската држава Викторија е казнет поради прекршување на мерките за ограничување, воспоставени поради пандемиајта на коронавирусот откако е фатен како пие пиво со други луѓе на улица.

Тони Херберт, градоначалникот на Варнамбул, е снимен на 7. април како стои пред хотел со уште три лица и пие пиво покрај својот службен автомобил, јави Би Би Си.

.@WarrnamboolCity mayor Tony Herbert has been fined by @VictoriaPolice for breaching COVID-19 laws. Was snapped drinking a beer on the city's main street last week. Herbert says he thought engaging with business owners as part of mayoral role was within law @abcmelbourne pic.twitter.com/pGbXn8TNM0

— Daniel Miles (@danielmiles) April 16, 2020

Само неколку часа претходно тој ист ден градоначалникот во видео порака која ја објави Градскиот совет ги повика сограѓаните да останат дома за да се спречи ширењето на Ковид-19.

Казнет е со 1.652 австралиски долари

Државата Викторија го казни денеска Херберт со парична казна од 1.652 австралиски долари  (960 евра) поради непочитување на правилата за социјално дистанцирање.

Градоначалникот се извини поради своите постапки и призна дека погрешил. Рече дека во тој момент во склоп на своите градоначалнички должности разговарал со сопствениците на компанијата.

„Меѓутоа, сфаќам дека ненамерно ги прекршив новите мерки кои се воспоставени поради безбедност на заедницата. Искрено ми е жал поради моите постапки“, рече Херберт.

Освен градоначалникот, казни добија и неговите тројца соговорници.