АВМУ нема надлежност да го испитува потеклото на капиталот на 1ТВ

Законите за медиуми не му даваат надлежност на регулаторот да го испитува потеклото на капиталот, велат од Агенцијата за аудио и аудиовизуелни медиумски услуги (АВМУ) во реакција на денешното соопштение на Здружението на новинари на Македонија (ЗНМ).

Од АВМУ се непријатно изненадени од соопштението на ЗНМ, во кое, како што оценува регулаторното тело, тенденциозно се сугерира дека Агенцијата не постапила во врска со можната злоупотреба на 1 ТВ за нелегални активности.

„Дејствувањето на Бојан Јовановски и евентуалната злоупотреба на медиумот од негова страна се предмет на постапување на обвинителството, судството, финансиската полиција, а не на Агенцијата за аудио и аудиовизуелни медиумски услуги, којашто го следи почитувањето на законите за медиуми. Во овој контекст, Агенцијата врши континуиран надзор врз радиодифузерите, при што правилата за сопственичка структура не се исклучок“, соопшти АВМУ.

Агенцијата дополнува дека на 4 јули е донесена одлука за поведување постапка за проверка на сознанијата дали Бојан Јовановски е сопственик на 1 ТВ, односно дали е нејзин таен содружник. Постапка (во февруари) беше поведена и поради именување на сопругата на еден од основачите на 1 ТВ за носител на јавна функција. Јавни реакции беа упатени и поради прекршување на програмските стандарди и заканите кон новинарка од друг медиум поради нејзините критики за емисија што се емитуваше на 1 ТВ.

Прочитајте и...  Иран: САД ја кријат вистината за ракетниот напад во Ирак

Според АВМУ, законите за медиуми не му даваат надлежност на регулаторот да го испитува потеклото на капиталот. Оттаму, стои во соопштението, Агенцијата е зачудена од барањето на ЗНМ да се спроведе итен вонреден надзор со цел да се утврди дали телевизијата 1ТВ ги има прекршено одредбите од Законот за аудио и аудиовизуелни медиумски услуги и имајќи го предвид претходно наведеното, нејасно е што се очекува да се констатира со надзорот.

„Секое поинакво прикажување на надлежностите и работењето на Агенцијата во јавноста, не е ништо друго туку само уште еден во низата обиди за нејзина дискредитација, чија цел е да се оправда општиот неуспех на сите релевантни чинители во медиумската сфера за да се создаде поволен амбиент за работата на медиумите. Агенцијата во повеќе наврати повторуваше дека кадровските промени не се решение за состојбата во медиумите, туку дека е потребно заедничко дејствување и на регулаторот и на ЗНМ, синдикатот, Советот за етика, медиумските работници“, се вели во соопштението од АВМУ.

Прочитајте и...  Ауреску: Новата методологија да не биде оправдување за ново одлагање

Претходно, ЗНМ во соопштение оцени дека последните случувања со приведувањето на Бојан Јовановски отвораат сомнеж за сериозна злоупотреба на медиумите на сметка на лично богатење на поединци. ЗНМ ги повика Владата и опозицијата, преку Парламентот да најдат механизам за итно деблокирање на собраниските процедури преку кои треба да продолжат реформите за медиумската сфера, како и дека се пробиени сите рокови за екипирање на програмскиот совет на МРТ и на Советот на ААВМУ .

„Тоа беа предуслови што треба да водат кон конечно креирање на амбиент во кој приватните медиуми, како и јавниот сервис ќе можат да функционираат независно, во интерес на јавноста. Ја повикуваме АВМУ да спроведе итен вонреден надзор со цел да се утврди дали телевизијата 1ТВ ги има прекршено одредбите од Законот за аудио и аудиовизуелни медиумски услуги“, посочи Здружението на новинари на Македонија.

Прочитајте и...  Албанија ќе отвори Генерален конзулат во Струга

Прочитај повеќе

Коронавирусот удри по најбогатите: Најголемите бизнисмени за само еден ден загубија 120 милијарди евра

Слободен печат

Примирјето во Авганистан и понатаму се почитува, можен историски договор со талибанците

Слободен печат

Листата секојдневно се зголемува: Ова се државите во кои е потврден коронавирусот

Слободен печат

Не е некултурен, само внимателен: Нетанјаху повеќе не се ракува со поддржувачите

Слободен печат

Барние: Преговорите со Лондон почнуваат на втори март

Слободен печат

Косово: Ниту денешните сомнителни случаи не се заразени со коронавирус

Слободен печат

Остави Коментар

Прочитај повеќе

Трамп не сакаше да одговори што мисли за контроверзниот закон на Моди

Слободен печат

Демократските кандидати за претседател на САД на нова дебата во Јужна Каролина

Слободен печат

Сè што треба да знаете за купување и ракување со плински боци во домаќинство

Заврши психијатриското вештачење на Малчанскиот бербер: „Мирен е и во затворот не прави никакви проблеми“

Слободен печат

„Блиц“: Советот на Европа го дематираше Ѓукановиќ за Законот за вероисповед

Слободен печат

Демант од романското Министерство за здравство: Нема потврден случај на коронавирус

Слободен печат