Попладнево повторно е сериозно нарушен авиосообраќајот на Скопскиот аеродром, поради променлив ветер кој ја загрозува безбедноста при слетувањето. Неколку авиони биле пренасочени кон соседните држави, пишува „Инфомакс“.

Поради влошените метеоролошки услови, авионите на летовите од Истанбул и Венеција не успеале безбедно да пријдат кон скопската писта и по некое време биле упатени кон Приштина.

Авионот од Венеција, според информациите, повеќе од еден час кружел над Скопје, пред да биде пренасочен.