Авганистанец со нож нападна луѓе на штанд на Јеховините сведоци на главната железничка станица во Вирцбург, Германија, пренесува Балканвеб.

Според баварската полиција, инцидентот се случил околу 7:50 часот наутро на влезот на станицата. 35-годишниот напаѓач се приближил до киоскот и избодел 68-годишен маж, а нападнал и 55-годишен и 51-годишник.

Минувачите, меѓу кои и еден полицаец во цивил, веднаш интервенирале и успеале да го спречат сторителот. Кратко време подоцна, на местото на настанот пристигнала патрола на федералната полиција и привремено го уапсила.

Полицијата потврдила дека три лица се полесно повредени и добиваат медицинска помош од службите за итни случаи.

Областа околу станицата е блокирана, додека властите продолжуваат со истрагата. Полицијата ги прегледува снимките од безбедносните камери на станицата и го пребарува станот на 35-годишниот Авганистанец.