Во рамки на дополнителната програма на фестивалот „Охридско лето“ викендов во копродукција со МФФ „Киненова“ беа прикажани унгарските филмови „Три илјади изброени парчиња“ и „Без здив“.

Кинo-проекциите се одржаа во Центарот за култура „Григор Прличев“, а беа дел од Унгарската вечер на фестивалот, која беше поддржана од Унгарската амбасада и Општина Охрид.

Силно авангардниот и ангажиран филм „Три илјади изброени парчиња“ во режија на Адам Чаши ја отвори филмската вечер, која продолжи со филмот „Без здив“ во режија на Каталин Молдовај.

– Настанот привлече многубројна публика, а филмот „Три илјади изброени парчиња“, кој е силно ангажиран и авангарден филм, сметам дека предизвика силни импресии кај присутните со темата за дискринимација на одредени малцинства во европските општества – истакна Небојша Јовановиќ, директор на МФФ „Киненова“.