Атинските таксисти денеска започнаа тридневен прекин на работата, додека националната федерација најави 48-часовен штрајк за среда и за четврток, во знак на протест против најавените законски измени, објави „Катимерини“.

Контроверзниот законски предлог, кој моментално е на јавна расправа со повеќе од 800 пристигнати коментари, предвидува задолжителна набавка на возила со нулта емисија за сите нови регистрации на такси во Атина и во Солун од јануари 2026 година.

Возачите се противат на, како што ја нарекуваат, „насилната транзиција“ кон електрични возила, укажувајќи на недоволната инфраструктура за полнење – во Атина во моментов има само 31 брз полнач.

— Инвестиравме во нови возни паркови и веќе ги намаливме емисиите — изјави секретарот на синдикатот, Парис Орфанос.

Повторно блокиран граничниот премин „Евзони“

Со законските измени се дозволува и ангажирање приватни возила со возач, што такси-операторите го сметаат за „црвена линија“, бидејќи, според нив, на тој начин тие се изедначуваат со такси-службите.

Иако 270 сопственици на такси годинава се соочуваат со обврска за итна замена на возилата, во предлог-законот се предвидени и привремени исклучоци.

Грчките земјоделци пак протестираат, тргнаа кон Атина да ги паркираат тракторите пред парламентот