Македонскиот фудбалски репрезентативец Елиф Елмас (26) е подготвен да го напушти Наполи по втор пат откако италијанскиот клуб потврди дека нема да ја искористи опцијата за откуп од 17 милиони евра, и покрај тоа што нашиот играч од средниот ред уживаше во позитивна сезона што доби одлични пофалби од тренерот Антонио Конте.

Елмас се врати во Наполи како позајмен играч од РБ Лајпциг минатото лето и одигра 43 мечеви во сите натпреварувања, постигнувајќи гол против Торино во март.

И покрај пофалбите, одлуката на Наполи да не ја активира клаузулата значи дека Елмас ќе се врати во РБ Лајпциг пред да се пресели на својата следна дестинација.

Според „Тутомеркато“, Сандерленд покажал интерес, иако клубот од Премиер лигата не се смета за привлечен предлог за поранешниот играч на Фенербахче во оваа фаза од неговата кариера.

Астон Вила претставува многу попривлечна опција, екипа која веќе го потврди своето место во Лигата на шампионите следната сезона. Од клубот се подготвени за формални разговори откако ќе заврши сезоната. Се смета дека таа можност ќе му се допадне многу повеќе на нашиот фудбалски „дијамант“.