Мадридски „АС“ на насловната објави три потенцијални купувања на Реал следното лето. Во преден план е Килијан Мбапе, а потоа Орелиен Чуамени и Антонио Рудигер.

„Мбапе не доаѓа сам“, пишува на насловната страница на „АС“. Реал Мадрид планира да ги ангажира сите тројца фудбалери.

Главното лице на насловната страница е Мбапе (23). Договорот на ѕвездата на ПСЖ истекува ова лето, а Реал со години го посакуца неговиот трансфер. Минатото лето Реал сакаше да го купи францускиот офанзивец за 200 милиони евра, но парижаните ја одбија понудата. Сега може да го изгуби бесплатно. Мбапе неодамна изјави дека и натаму не одлучил во кој клуб ќе игра следната сезона, но шпанските медиуми се сигурни дека тој ќе го избере Реал Мадрид.

Дефанзивецот Рудигер (29) има договор со Челси до крајот од сезоната. Германецот, според изворот, ја прифатил понудата на Реал и од лето како слободен играч ќе му се приклучи на најверојатно новиот шампион на Шпанија. Според Трансфермаркт, Рудигер вреди 35 милиони евра и е еден од најдобрите одбранбени играчи во светот, а во Реал Мадрид во следните четири години би требало да заработува 12,5 милиони евра по сезона.

Real Madrid have wrapped up the signing of Aurélien Tchouaméni and are looking to fit Antonio Rüdiger’s economic demands into their wage bill, per @diarioas. pic.twitter.com/cM5O3Ky6Uk

— Zach Lowy (@ZachLowy) April 21, 2022

Чуамени (22) од Монако треба да ја засили конкуренцијата во средниот ред. Тој е француски репрезентативец проценет на 35 милиони евра. Еден од најталентираните играчи од средниот ред на денешницата и го посакуваат многу европски великани, но Французинот изгледа го избра „кралскиот“ клуб. За место во тимот ќе се бори покрај големи ѕвезди како Лука Модриќ, Тони Крос и Касемиро. Реал ќе мора да му плати на Монако најмалку 40 милиони евра.