Поранешниот велшки репрезентативец и долгогодишен фудбалер на Арсенал, Арон Ремзи, е именуван за нов менаџер на Оксфорд, потврди англискиот клуб.

Ремзи во април годинава стави крај на својата играчка кариера, а сега го прави првиот сериозен чекор во тренерските води. Досега единственото искуство како главен тренер му беше краткиот привремен ангажман на клупата на Кардиф, каде што го водеше тимот на три натпревари.

„Не би ја прифатил оваа работа доколку не верував дека сум подготвен. Во изминатите години работев на себе и се подготвував за ваков предизвик. Уште од првите разговори ја почувствував амбицијата на луѓето во клубот и убеден сум дека ова е вистинската средина за мене“, изјави Ремзи по промоцијата.

Тој доаѓа како наследник на Мет Блумфилд, кој минатата сезона не успеа да го задржи тимот во Чемпионшип. Главната задача на Велшанецот ќе биде Оксфорд повторно да го врати во вториот ранг на англискиот фудбал.