Арбен Зибери: На Филипче не му е за границите, туку зашто чичко ми е кандидат за премиер Албанец

Причината зошто така бурно министерот за здравство Венко Филипче реагираше на мој приватно објавен Фејсбук статус, е тоа што чичко ми Насер Зибери е кандидат за премиер Албанец, а не тоа што сум напишал дека границите се отвараат без тестови и без карантин, изјави за „Слободен печат“ директорот на ЦЈЗ Скопје Арбен Зибери.

– Точно е тоа што Филипче го тврди, дека не сум член на Комисијата за заразни болести официјално. Но, многу пати сум присуствувал на нивните состаноци и сум придонесувал, а нашата институција има свои редовни претставници во Комисијата. Јас бев запрепастен. Не ја ни гледав прес конференцијата, туку новинарите почнаа да ми се јавуваат. А запрепастен сум, зашто ние толку професионално ја вршиме работата во Центарот за јавно здравје Скопје, до толку што министерот сам ме фалел. Многу непотребно влегоа во ова. А зошто да бидам разрешен? За приватен Фејсбук статус во кој што не сум изнел ниту една лага? Ова е смешно. Ова не е за границите, туку за чичко ми Насер, којшто е кандидат за премиер Албанец, значи, ова е политичка пресметка со чичко ми, врз мој грб. А инаку, со Филипче, имаме многу коректен однос, постојано соработуваме и си помагаме во работата – ни рече Зибери.

Прочитајте и...  Зајакнати мрежните капацитети на операторите, засега нема промени во цените

Директорот на Центарот за јавно здравје Скопје, Арбен Зибери ќе биде разрешен од директорското место, но нема да биде отпуштен и најверојатно ќе добие пониска позиција во здравствената институција од досегашната. Слободен печат од свои извори дознава дека согласно правната рамка, Зибери не смее да биде отпуштен, но дека неговото разрешување од директорското место е и повеќе од извесно. Причината за ова е што Зибери на својот Фејсбук профил, се „пофали“ дека како член на Комисијата за заразни болести издејствувал, границите да се отворат без протоколите на СЗО и без ПЦР тестови и ги повика иселениците да се вратат дома и да изгласаат премиер Албанец.

Изјавата наиде на остра осуда од страна на министерот за здравство Венко Филипче кој истакна дека Зибери не е член на Комисијата за заразни болести и дека најверојатно станува збор за предизборен фолклор.

Прочитајте и...  Штабот на НАТО Бригадата на Југоисточна Европа се сели во Куманово

– Ја прочитав изјавата, апсолутна невистина е. Зибери не е член на комисијата. Ова е некаква предизборна евтина и лоша реторика. Ништо нема да добие директорот со оваа изјава. Целиот изминат период комисијата работи врз основа на медицински индикатори и ваква изјава не доликува на доктор и на човек што раководи ваква институција. Уште денеска ќе се консултирам со правниците и ако во овој период може директорот денес ќе биде сменет – рече Филипче.

Потоа се огласија и ДУИ и Зибери со тврдење дека директорот на ЦЈЗ има право на својот личен Фејсбук профил да агитира за политичката кампања на ДУИ и да изразува свои политички ставови. Преписката преку социјалните мрежи продолжи со статус на Филипче кој му возврати на Зибери дека тоа што е во изборна кампања, не му дава за право да изнесува невистини и да ја поткопува работата и одлуките на Комисијата за заразни болести.

Прочитајте и...  На ГАК породено бебе во „водена обвивка“!

„Четири месеци градиме доверба и работиме транспарентно. Во ниеден момент не донесовме политички мотивирани одлуки и ова вие добро го знаете. Вашата изјава е неточна, штетна и пред се неколегијална, што исклучително ме загрижува. Моја должност како министер меѓу другото е да го штитам угледот на колегите од комисијата и нивните стручни одлуки. Верувам дека разбирате каква штета нанесувате во овие чувствителни моменти кога заеднички се бориме за иста цел. Го ценам придонесот на сите кои се борат со епидемијата, вклучително и вашиот, но нема да дозволам политичко поентирање на сметка на епидемијата”, додаде министерот.

Сите шпекулации околу тоа дека Комисијата за заразни болести не дала препорака и датум да се отворат границите, всушност ги демантира стенограмската белешка од одржаниот состанок на Комисијата за заразни болести, на кој точно е утврдено дека таква препорака е дадена и тоа без ПЦР тестови и без карантин. Потоа владиниот кризен штаб ја има спроведено таа одлука.

Прочитај повеќе

Граничната полиција на БиХ спречи 183 мигранти да ја преминат границата

Слободен печат

Во Албанија и денеска високи бројки на новозаразени со Ковид-19

Слободен печат

Повеќе од 30 мигранти спасени во каналот Ла Манш

Слободен печат

Традицијата во чест на „Св. Пантелејмон” и годинава продолжува на Голак

Слободен печат

ПОЖАР ВО СТАНБЕНА ЗГРАДА ВО ЧЕШКА: Најмалку 10 мртви (ВИДЕО)

Слободен печат

Дневен преглед на состојбата со Ковид-19 во светот, досега починале 726.415 лица

Слободен печат

Остави Коментар

Прочитај повеќе

Либанскиот премиер повика на предвремени избори

Слободен печат

Српската дијаспора на протести ширум светот (ВИДЕО)

Слободен печат

Макрон: САД треба да реинвестираат во Либан

Слободен печат

Демонстрантите во Бејрут обесија картонски ликови на премиерот и членовите на владата (ВИДЕО)

Слободен печат

Германија со предупредување до граѓаните да не патуваат во делови од Бугарија и Романија

Слободен печат

Експлозијата во Бејрут прекина фотографирање на млад пар на денот на венчавката (ВИДЕО)

Слободен печат