Американската војска се подготвува да заплени бродови поврзани со Иран во наредните денови, пишува „Волстрит џурнал“, повикувајќи се на неименувани американски претставници.

Тие рекоа дека американската војска се подготвува да ја прошири поморската акција против Иран надвор од Блискиот Исток и да заплени танкери и комерцијални бродови поврзани со Иран во меѓународни води.

Во меѓувреме, иранската армија продолжува да ја зајакнува својата контрола врз Ормускиот Теснец. Денес, таа нападна неколку комерцијални бродови, откако објави дека „Иран строго го контролира Ормускиот Теснец“.

Министерот за надворешни работи на Иран, Абас Арагчи, претходно изјави дека теснецот е целосно отворен за комерцијален сообраќај, што наскоро беше поздравено од американскиот претседател Доналд Трамп.

Иранската револуционерна гарда го негираше тврдењето на Арагчи.