Аматери: Фудбалер на Баерн Минхен не игра за националиот тим бидејќи Федерацијата повикот го пратила на погрешен мејл
Камерун ќе биде ослабен на натпреварите против Руанда и Зеленортските острови.
Фудбалерот на Баерн Минхен, Ерик Чупо-Мотинг нема да биде дел репрезентацијата на Камерун бидејќи Федерацијата на оваа земја повикот го испратила на погрешен мејл.
Селекторот на Камерун, Антонио Консеисаи на прес-конференција изјави дека фудбалерот на Баерн Минхен не се јавил на повикот кој му го испатила фудбалската федерација на Камерун. Но, вистината излезе на виделина по неколку дена од изјавата на селекторот Консеисао.
Имено, Камил Џаст Чупо-Мотинг, таткото на фудбалерот на Баерн Минхен, а воедно и негов агент изјави дека повик за настап во репрезентацијата воопшто не пристигнал во канцеларијата на германскиот тим.
– Федерацијата на Камерун ме контактира за да проверам што се случува. Веднаш ги контактирав луѓето во Баерн и тие ми потврдија дека не добиле никаков повик или мејл – изјави Камил Џаст Чупо-Мотинг.
Фудбалерот дури и се подготвувал за настап за својата репрезентација и добил дозвола од Баерн Минхен, но причината за неговото отсуство е во тоа што фудбалската федерација на Камерун, повикот го пратила на погрешен мејл.
– Тие повикот го испратиле на погрешен мејл. За мене она е аматеризам. Кога праќате вакви работи, бидете сигурни и проверете на кого испраќате. Не знам како ова може да биде грешка на мојот син или на клубот – вели таткото на фудбалерот.