Големо изненадување се случи во четвртфиналето на турнирот од серијата 500 во Доха, каде што чешкиот тенисер Јакуб Меншик го шокираше вториот тенисер на светот Јаник Синер. Во возбудлив меч кој траеше три сета, Меншик славеше со 7-6 (7-3), 2-6, 6-3 и приреди едно од најголемите изненадувања сезонава.

По елиминацијата во полуфиналето во Мелбурн, новиот неуспех во Доха е уште еден удар за италијанскиот ас, од кого се очекуваше да стигне до самиот финиш. Сепак, Меншик одигра зрело и храбро, покажувајќи дека неговото место меѓу најдобрите не е случајност. За 16. тенисер на светската листа, ова е втора голема победа во кариерата, по триумфот над Новак Ѓоковиќ во финалето на мастерсот во Мајами.

Во битката за финале, Меншик ќе се соочи со Алесандро Фис, додека по раната елиминација на Синер, огромен фаворит за трофејот во Доха сега е Карлос Алкараз. 

Алкараз закажа полуфинале против Рубљов во Доха