Ракометниот клуб Алкалоид со победа ги заврши домашните натпревари во Суперлигата. Екипата предводена од тренерот Кирил Лазаров беше подобра од Бутел Скопје, со 37:21.

После првото полувреме тимот од Автокоманда имаше предност од осум голови разлика (19:11).

Најдобар стрелец на дуелот беше Улфар Тордарсон со осум гола, а Марко Стојковиќ, Урош Борзаш и Филип Николов постигнаа по пет. Голманот Ѓорѓи Николовски имаше 12 одбрани и еден одбранет седмерец.

На спротивната страна доминираше Мице Шилегов со пет погодоци, а по четири имаа Димитар Узунчев и Дејан Михајловиќ. Чуварот на мрежата Благојче Трајкоски запиша 10 интервенции.

Во последното суперлигашко коло, РК Алкалоид гостува кај РК Еурофарм Пелистер во Битола на 30 мај, додека Бутел Скопје истиот ден ќе го пречека новиот шампион Вардар 1961.

Воедно, тројца играчи го напуштија Алкалоид, Никола Маркоски, Кристијан Симоноски и Мартин Ивановски добија благодарници од клубот.