Албанија, Црна Гора, Северна Македонија и Молдавија официјално се приклучија на европскиот платен систем SEPA, единствена област за плаќања во евра, објави денес Европската комисија. Вкупно 40 банки од овие четири земји кандидати за членство во Европската Унија се примени во овој систем, што, според Euronews, ќе им даде на овие земји и на Европската Унија пристап до побрзи и поевтини финансиски трансакции, што може да донесе заштеди до 500 милиони евра за граѓаните и економијата.

Европскиот совет за плаќања ја донесе одлуката откако овие земји беа вклучени во географскиот опсег на SEPA од ноември 2024 година до март оваа година, според соопштението на Комисијата.