Актерот Кевин Харт стана татко по 4-ти пат: Среќниот пар доби девојче
Американскиот актер и комичар Кевин Харт (41) и неговата сопруга Енико Харт (36) пред три дена станаа родители на девојче.
Сопругата на актерот објави илустрирана слика на својот Инстаграм профил на која пишува „9 месеци се подготвував да се вљубам за цел живот“.
„Благодарна. Благословена. Мало парче од рајот испратено на земјата… Добредојде во светот девојче. Те сакаме премногу“, напишала таа.
Енико открила дека девојчето се вика Каори Меи Харт и дека веќе им ги „украла“ срцата. Брачниот пар е пресреќен за својата принова.
„Те сакаме и сме воодушени што имаме девојче на пат. Бог е неверојатен. Благословени сме што те имаме во нашите животи. Сè што можам да кажам е благодарам“, Кевин Харт напишал на својот Инстаграм профил во мај годинава.
Со години во јавноста кружат приказни дека Кевин не е толку прекрасен сопруг како што се преставува. Пред три години излезе веста дека ја изневерил својата бремена сопруга со Монтија Сабаг (30).
Монија рекла дека нејзината средба со актерот се случила во хотелска соба во Лас Вегас во 2017 година. Во собата имало поставено камери кои ги снимиле интимните односи на Харт и Сабаг. Видеото трае три минути, а во јавноста беше објавено во септември 2017 година.
Неговата сопруга дознала за неверството преку порака, а по неколку недели, парот повторно се смирил.
Енико и Кевин се во брак од 2016 година и го имаат синот Кензо Кеша (2). Комичарот претходно беше во брак со Тореј Харт од 2003 до 2011 годинак со која имаат две деца Хејвеј (15) и синот Хендрикс (12).