Актерка испиша историја на Златните глобуси: Го донесе своето куче водич за слепи на црвениот тепих
Актерката Арија Миа Лоберти (30), ѕвездата на серијата „Цела светлина што не можеме да ја видиме“ (All The Light We Cannot See), блесна на црвениот тепих за време на Златните глобуси, а момент за восхит беше тоа што на црвениот тепих со себе го донесе своето куче водич за слепи, Мис Ингрид, пишува „Ентертејмент викли“.
Арија е слепа, а со овој потег, како што вели, испиша историја на Златните глобуси.
Aria Mia Loberti made history at the recent Golden Globes as the first legally blind actress to grace the red carpet with her guide dog for her role in the acclaimed series “All the Light We Cannot See” ❤️🦮👏🏻 pic.twitter.com/vczIIZk32Y
— dominic dyer (@domdyer70) January 10, 2024
– Ова е првпат куче водич за слепи да се најде на црвениот тепих – изјави актерката. Таа зборуваше и за важноста на нејзината улога во серијата, која беше номинирана за Златен глобус.
– Ова е првпат во историјата да имаме автентична слика на лик во филм со ваква големина. Ми беше чест да ја претставувам мојата заедница и култура. Ова никогаш досега не е направено и тоа е многу голема одговорност – изјави Арија.
Во серијата, Лоберти играше слепа девојка од Франција која запознава германски војник.