Ако чувствувате лутина и бес - чкртајте! - Слободен печат

Ако чувствувате лутина и бес – чкртајте!

Невербалното изразување како што се цртањето и сликањето, се користи во различни облици на психотерапијата, а вие можете сами да си ја одредите својата терапија.

Не ви е потребен талент, ниту пак инспирација, сепак не спремате изложба и никој нема да го оценува вашиот цртеж. Потребни ви се само хартија, боици, фломастери или што и да ви е прво на дофат и најпрактично.

Психолозите се согласуваат со тоа дека креативниот невербален начин на изразување, цртањето и сликањето, ви овозможува да стекнете нов увид кон внатрешноста на вашиот живот. Некои одредени форми при цртањето или некои потези, се поврзани со одредени чувства и состојби, односно потсвесно делуваат на смирување и правилно насочување на одредените емоции.

Доколку не знаете како да почнете, еве ви неколку предлози.

Кога сте уморни, празни, без енергија и се чувствувате „затупено“ (како мозокот да ви е во магла), цртајте цвеќе.

Цртањето рози, цветови со стебло (зависи од вашите способности) или пак само неколку ливчиња, ќе ве освежи и одмори. Можете да гледате во некоја слика од цвет и да се насочите кон неа. Ваквото цртање потполно ќе ве окупира и ќе го одмори вашиот мозок.

Ако чувствувате лутина и бес – чкртајте!
Цртајте линии, закривени, прави, цртки, вертикални, коси, со геометриски облик или без. Цртањето на линии ги пренасочува чувствата на бес и лутина.

Ако чувствувате болка, емотивна или физичка, обидете се да моделирате нешто од хартија, глина или пак ткаенина.

Исто така можете да составувате сложувалка. Оваа активност ги смирува центрите за болка во мозокот.

Доколку ви е досадно, нервозни сте, се чувствувате изгубено, бесмислено и немате концентрација, а ви треба некаков фокус – почнете да боите.

Постојат боенки за возрасни кои можете да ги симнете од интернет и да ги испринтате. Доколку пак навистина сакате и умеете да цртате, нацртајте нешто што го владеете и посветете му се на неговото боење.

Ако ве обзема тага – цртајте виножито.
Виножитото ви ја одзема тагата, обидете се! Замислете глетка која толку пати сте ја виделе во животот и сигурно ве исполнила со восхит и среќа, обидете се истото тоа да го пренесете на хартија.

Стравот се канализира со плетење, шиење и везење.
Овој вид рачен труд ќе ви помогне да се задлабочите во работата, да се почувствувате стабилно и сигурно.

Доколку се грижите, треперите, ве обзема анксиозност и не ви помага ништо што си велите самите на себе за да се смирите – дизајнирате кукла.
Можете да нацртате и да исечете кукла од хартија или пак обидете се да ја моделирате. За тоа може да ви послужи и обична износена чорапа која ќе ја врзете така што ќе ги одвоите главата, трупот и долниот дел на телото, а косата можете да ја направите од волна. Овој процес на креирање ќе ви помогне да ја ослободите енергијата која била заглавена во вас и анксиозноста да прерасне во нешто креативно.

Ако чувствувате огорченост, разочарување, се соочувате со чувството на предавство и измама, искинете лист хартија на ситни делчиња и потоа наредете ги во некаков облик.
Исто така може да исечете и парчиња колаж што ќе може да ги лепите, така што ќе имате свој мал мозаик.

Напнатоста најдобро ќе ја пренасочите со цртање на обрасци – шари, облици, цветови или линии кои се повторуваат, како да плетете со моливот. Ваквиот начин на цртање ќе ви помогне да се опуштите.
Најверојатно правите нешто слично и додека сте на некој состанок или заедно држите тетратка и пенкало и се обидувате да ги тргнете нервозата и напнатоста.

Кога се чувствувате збунето, изгубено и дезориентирано, цртајте „мандала“. 
Тоа е убав и комплексен цртеж кој тргнува од центарот и се шири во линии, во облици на круг. Секако можете да гледате и во некоја „мандала“ која многу ви се допаѓа и да се обидете да нацртате слична.

Ако сте очајни, нацртајте пат. 
Тоа е пат од состојбата во која се наоѓате, а конкретниот напор што ќе го вложите во осмислување на цртежот, ќе ги покрене вашите психолошки ресурси (симболиката на патот, потребата за излез и конкретна акција изразена низ цртеж, ќе ја насочи вашата енергија кон тој излез и ќе го поттикне процесот на разрешување во вашиот ум и вашата потсвест).

Доколку се обидувате да направите избор, се колебате и стравувате дека ќе згрешите, цртајте брановидни линии и кругови.
Ако се чувствувате дека со тој избор се наоѓате на некаков пресврт, цртајте спирали, вртлози и спирални линии.

Прочитај повеќе

Како црногорската принцеза станала кралица на Италија: Љубовниот живот на Јелена Савојска (ФОТО)

Слободен печат

Тамара Тодевска водителка на MAC: „Очекуваме спектакл, ја славиме музиката и различноста“

Слободен печат

Марија Шерифовиќ ја преработи една од најубавите песни на Оливер Драгоевиќ (ВИДЕО)

Слободен печат

Расчистете веќе еднаш со сè што не ви одговара и тоа веднаш!

Слободен печат

Домашен путер

Еспресо

Хороскоп за 25 Јануари – Прочитајте што ве очекува оваа сабота!

Слободен печат

Остави Коментар

eighteen + 3 =

Прочитај повеќе

Виц на денот: Операција

Слободен печат

Креаторката Кокев за Атиџе: Таквите жени не се трансформираат, може ние да се трансформираме учејќи од неа

Слободен печат

Палави слонови: Избегале од циркус за да си играат во снегот (ВИДЕО)

Слободен печат

Бизарната љубов на Салвадор Дали и Гала: Таа го направи и го уништи! (ФОТО)

Слободен печат

Девојката на Игор Карачиќ слави во Стокхолм: Македонката Душица објави селфи за финале! (ФОТО)

Слободен печат

Сè ќе ви оди од рака: Ако сте родени во овој знак, добро искористете го периодот од 25 јануари до 5 февруари!

Слободен печат