АХВ: „Харизма“ е делумно регистрирана – делот за печење месо нема одобрение
Во врска со труењето со месо во Прилеп се огласи и Агенцијата за храна и ветеринарство. Како што информираат оттаму, со извршената контрола утврдено е дека месарницата „Харизма“ е регистрирана во АХВ, а објектот кој е одвоен од месарницата и каде се печело месото нема одобрение за работа, односно, не е регистрирано во АХВ.
Од страна на инспекциските служби, нерегистрираниот објект каде се печело месото е затворен за работа, а на управителот за сторениот прекршок, му е изречена глоба согласно Законот за прекршоци.
Вработените лица во овој објект упатени се на вонреден санитарен преглед, земени се мостри од храната која се подготвувала во овој објект (плескавици) и брисеви од работните површини.
Од страна на епидемиолошката служба направена е епидемиолошка анкета со цел утврдување на причините за труењето.
Инспекциските служби на АХВ направија контрола и во месарницата при што не се утврдени недоследности. Последна контрола во овој објект АХВ спровела во април годинава.
Дванаесет прилепчани завршија со труење во болница откако јаделе скара од месарница