Поранешниот македонски репрезентативец Агим Ибраими до крајот на сезоната ќе има проширена улога во албанскиот клуб Партизани Тирана.

Клубот информираше дека поради лошите резултати е прекината соработката со досегашниот тренер Олтијон Кернаја, кој не ги исполнил амбициите поставени пред стартот на сезоната. Токму поради тоа, раководството се одлучило за промени во стручниот штаб.

По заминувањето на Кернаја, Ибраими ќе се вклучи и во тренерскиот тим, додека паралелно ќе продолжи да ја извршува функцијата спортски директор во клубот.

Воедно, вреди да се потсети дека Ибраими е ангажиран и во Фудбалска федерација на Македонија, каде што е дел од Управниот одбор.