Администрацијата на американскиот претседател Џо Бајден почна официјална ревизија за воениот затвор „Гвантанамо“ во заливот на Куба, изјави денеска претставник на Белата куќа.

– Националниот совет за безбедност тесно ќе соработува со Министерството за одбрана, државата и правда за да се постигне напредок во затворањето на објектот во Гвантанамо, а исто така и во тесна консултација со Конгресот, изјави портпаролката на Советот за национална безбедност Емили Хорн.

Контроверзниот затвор „Гвантанамо“ во Куба е формиран по нападите врз Њујорк и Вашингтон на 11 септември во 2001 година, како дел од американската „војна против тероризмот”.