Познато е дека Адел отворено зборува за теми како менталното здравје, а овој пат се отвори за проблемот со алкохолот со кој се борела со години наназад.

Британската ѕвезда откри дека веќе три и пол месеци не пие алкохол, а го исфрлила и кофеинот од употреба.

Популарната пејачка на својот настап во Лас Вегас откри дека престанала да пие алкохол пред три и пол месеци. Додуша признала и дека воопшто не се забавува и дека ѝ недостасува алкохолот.

„Три ипол месеци не пијам алкохол, затоа вие уживајте во вискито“, му рекла на еден обожавател во разговор и додала дека покрај алкохолот се откажала и од кофеинот.

Таа, исто така, призна дека била на работ на алкохолизам во нејзините дваесетти, што е исповед што доаѓа нешто повеќе од половина година откако откри дека за време на карантинот поради корона-вирусот, еднаш до пладне испила четири шишиња вино, а годината пред тоа, во едно од излегувањата испила премногу алкохол и танцувала во градник со танчерките.

И додека многумина мислеа дека тоа е трајно откажување од алкохолот, Адел најави дека ќе направи „пауза“ за да го прослави 11-тиот роденден на нејзиниот син.