Еклер торта е популарен француски десерт кој се состои од варено пециво (француски: choux) исполнето со крем од ванила и прелиено со чоколадна глазура.

Ова е торта што ги имитира вкусовите на еклерот, прелиена со путер од кикирики и не бара вклучување на рерната.

За да направите еклер торта без да ја вклучите рерната, користете инстант пудинг од ванила без готвење, како и бисквити по ваш избор.

Состојки:

– 500 мл ладно млеко
– 500 грама шлаг
– 85 грама прашок за инстант пудинг од ванила без готвење
– 125 мл путер од кикирики
– 120 грама чоколадни капки
– бисквити по желба за основата

Подготовка:

Ставете тенки бисквити во еден рамномерен слој на дното на правоаголен плех. Бројот на колачиња ќе зависи од големината на тавата.

Направете го пудингот според упатството на инстант кесичката: во блендер измешајте го инстант прав и ладното млеко додека не добиете густа смеса. Во него додадете го путерот од кикирики и рачно измешајте половина од кремот што претходно сте го изматиле во шлаг.

Половина од смесата премачкајте ја врз бисквитите. Врз кремот додадете уште еден слој бисквити и премачкајте го со остатокот од кремот. Врз колачот ставете уште еден слој бисквити. Сè заедно ставете го во фрижидер половина час за да се стегне колачот.

Направете ја чоколадната глазура: Загрејте го преостанатиот шлаг во микробранова печка. Прелијте ги со чоколадните капки и оставете неколку минути. Топлината на кремот ќе го растопи чоколадото – измешајте сè и прелијте го врз изладениот колач.

Вратете го во фрижидер и оставете го да се олади околу два до четири часа.

Изладениот колач исечете го на коцки и послужете. Уживајте во вашиот оброк!