Директор на образовен центар од Штип, кој има 65 години, вчера е уапсен откако родители на ученички, малолетни девојчиња, го пријавиле дека подолго време недолично ги допирал за време на дополнителна настава, соопшти МВР.

„На 11.05.2026 во 19:50 часот во Штип, полициски службеници од Отсекот за криминалистичка полиција при СВР Штип го лишиле од слобода А.Ш.(65) од Штип. Тој се сомничи дека како управител на образовен центар во Штип, за време на одржување на дополнителна настава, подолг период допирал по телото неколку малолетни ученички. Настанот во полициска станица го пријавиле родители во присуство на ученичките и на претставници на Јавната установа Меѓуопштински центар за социјални работи Штип“, пишува во полициското соопштение.

Судија издал наредба за претрес во домот на осомничениот и во образовниот центар со кој раководи, каде се запленети предмети за понатамошна постапка.

„А.Ш. бил задржан во полициска станица и по целосно документирање на случајот против него е поднесена кривична пријава, а од судија на претходна постапка му е определена мерка притвор од 30 дена“, пишува во полицискиот билтен.

68-годишен скопјанец со години силувал дете и ги снимал гнасните чинови