Од денес, претставниците на ЛГБТИ заедницата во Црна Гора можат официјално да склучуваат бракови на матичар, пренесува „Radio i Televizija Crne Gore“.

Законот за животно партнерство на лица од ист пол стапил на сила денес, кој им овозможува на истополовите партнери да добијат легална потврда за партнерство откако ќе го кажат судбоносното „да“. Сепак, тие ќе мора да почекаат за уживање на сите права што произлегуваат од законот се додека властите во земјата не донесат уште некои прописи во форма на подзаконски акти.

Претседателот на Управниот одбор на „Квир Црна Гора“, Даниел Калезиќ, рекол дека ова е исклучително важно за нив и дека го чекаат овој ден веќе 10 години. Тој исто така рекол дека 20 истополови парови во Црна Гора чекале ред во канцеларијата на матичарот.

„За нас е многу важно затоа што нашите семејства конечно ќе бидат озаконети. По 10 години од првата иницијатива, ние сме на чекор до еднаквост. Секако, не е решено сè со овој закон, чекаме уште 26 закони да бидат изменети, односно усогласени со овој, така што во пракса ќе може да се искористат сите права што законот ни ги дозволува “, рекол Калезиќ .

Тој исто така рекол дека веќе не станува збор за избор, туку за праватa кои ги има еден човек.
Неодамна, 20 регистратори од осум црногорски општини завршиле семинар за склучување животни партнерства.