Најмалку двајца загинаа откако силен земјотрес вчера го погоди јужниот и централниот дел на Мексико и предизвика умерена материјална штета.

Германскиoт истражувачки центар за геонауки информираше дека силен земјотрес со јачина од 6,3 степени денеска ја погоди јужната мексиканска сојузна држава Гереро. Епицентарот на земјотресот е регистриран на длабочина од само 10 километри.

И Мексиканската национална сеизмолошка службаобјави дека е регистриран земјотрес со јачина од 6,5 степени според Рихтеровата скала, со епицентар во јужната држава Гереро, на брегот на Тихиот Океан.

Градоначалничката на Мексико Сити, Клара Бругада Молина, објави дека 12 лица се повредени во силниот земјотрес што беше регистриран во тој град. Бругада Молина изјави на мрежата Икс дека „откако беше активиран протоколот за одговор на земјотрес“, беше пријавено дека во мексиканскиот главен град паднале пет столбови и четири дрвја.

Пријавени се оштетувања на патната инфраструктура и на болнички објекти, соопштија локалните власти и сеизмолошките служби. Првичните информациите зборуваат за десетина повредени граѓани.

Видео од згради што се тресат за време на земјотресот се појавија на социјалните мрежи.

„Погледнете го овој облакодер во Мексико Сити како прави луд танц повеќе од 20 секунди за време на денешниот земјотрес“, се вели во објавата.

Земјотресот беше почувствуван и во мексиканските федерални држави Морелос, Халиско, Оахака, Табаско и Колима.

😱 INSANE!

Watch this Mexico City skyscraper DANCE like crazy for over 20 seconds during today’s 6.5 quake in Guerrero! 🌎💥

Epicenter 300km away but looked LIKE THIS in CDMX! No major damage reported, but HOLY… 😳 #Earthquake #Sismo #Terremoto #Mexico #CDMX #Guerrero pic.twitter.com/xMxEUkXQPa

— DINO 🦖 (@MAGAdino) January 2, 2026

ВИДЕО | Земјотрес ја прекина прес-конференцијата на мексиканската претседателка