Зошто веруваме дека црните мачки носат несреќа? Зад ова верување стои легенда за татко и син
Дали некогаш сте се запрашале зошто луѓето се плашат од црна мачка и од тоа таа да не им го „пресече“ патот? Од кога постои верување дека тоа носи несреќа? Ова суеверие е старо неколку века и едно е од ретките кои преживеале до денес.
Мачките, пред 5.000 години, во древниот Египет, биле многу почитувани и обожавани до таа мера што лицето кое би убило мачка би добило смртна казна.
Што тогаш дошло до тоа луѓето да се плашат од црната боја?
Голем број историчари тврди дека ова суеверие настанало во средниот век. Во тој период многу жени биле обвинувани за бавење со црна магија и за тоа дека се вештерки. Многу од тие жени имале мачки за кои се грижеле, па обвинувањата што се однесувале на жените биле пренесувани и на нивните љубимци.
Ова верување дополнително се зацврстило меѓу народот на средината на 16 век, кога се проширила приказната за таткото и синот кои наишле на црна мачка.
Легенда за таткото и синот
Според легендата, татко и син патувале заедно во ноќта во која немало месечина кога една црна мачка им го поминала патот. Тие ја мавале со камења, се додека повредена не побегнала во куќата на жената која била сметана за вештерка.
Следниот ден ја виделе жената со модринки и како едвај оди, влечејќи ја едната нога, па заклучиле дека сите вештерки во текот на ноќта можат да се претворат во црни мачки за неприметно да шетаат низ улиците. Ова верување одекнало низ Америка за време на судењето на вештерките од Салем.
Се разбира, поврзувањето на црните мачки со злото и несреќата не е ништо повеќе од суеверие. Сепак, голем број луѓе и ден денес веруваат во овој мит.