Метју Пери беше погребан со присуство на неговото семејство и најблиските пријатели, а неговите колеги од серијата „Пријатели“ не останаа до крајот на церемонијата да го испратат во вечното почивалиште, пишува „Дејли меил“.

Актерот Метју Пери, легендарниот Чендлер Бинг од серијата „Пријатели“, ненадејно почина на 55-годишна возраст. Неговото безживотно тело го пронашол неговиот асистент во џакузито пред неговата куќа во Лос Анџелес.

Тој беше погребан минатиот петок во Лос Анџелес, со богослужба одржана во црквата Forest Lawn Cemetery. На погребот присуствувале бројни колеги и пријатели, меѓу кои беше и познатата петорка од култната серија „Пријатели“. Џенифер Анистон, Лиза Кудроу, Кортни Кокс и Дејвид Швимер пристигнаа заедно, облечени во црни костуми за да се простат од Метју Пери, по што им се придружи и Мет Лебланк, но не останаа до крајот на погребот.

Како што пренесуваат странските медиуми, познатите актери не присуствувале на вториот дел од приватниот погреб.

Friends co-stars only attended a part of Matthew Perry’s memorial service and were not seen at the private family funeral, insider says https://t.co/cO87KiNANn pic.twitter.com/3l5zfOXnEh

— Daily Mail Online (@MailOnline) November 5, 2023

Актерската екипа на „Пријатели“ не присуствувала на вториот дел од погребот, кој се одржал подалеку од црквата, која се состои од неколку отворени парцели. Тоа е посебна, поскриена област. На тој дел присуствувало само семејството на Метју Пери и најблиските пријатели. Помалку од дваесет луѓе.

Гробиштата каде што почива Метју Пери се спроти студиото на Ворнер Брос каде се снимаа 10 сезони од серијата „Пријатели“.

Мајката на актерот, Сузан Пери, не можеше да ги задржи солзите на погребот на нејзиниот син, додека неговиот татко Џон Бенет Пери беше обземен од тага, а неговиот очув, Кит Морисон, беше еден од носителите на ковчегот.