Најмалку две лица загинаа во Шведска откако силната зимска бура Јоханес го погоди Скандинавскиот полуостров, предизвикувајќи проблеми во сообраќајот и прекини во електричната енергија.

Шведскиот метеоролошки и хидролошки институт издаде предупредувања за силни ветрови во големи делови од северна Шведска.

Десетици илјади домови во Шведска, Норвешка и Финска останаа без електрична енергија.

Откажани се неколку летови, железнички и фериботски услуги во делови од нордиските земји.

Во норвешкиот регион Нордланд, еден од најсеверните региони во земјата, противпожарната служба интервенирала повеќе од 200 пати.

Во Финска, бурата ослабе утрово, но остави повеќе од 33.000 домови без електрична енергија.

Летовите на аеродромот Китила во северна Финска беа приземјени откако силните ветрови турнаа два авиона од пистата во снег. Нема повредени.