Службата за цивилна заштита во Појасот Газа денес објави дека 19 лица загинале во серија израелски напади во северниот дел од палестинската енклава, додека Израел одобри интензивирање на големите воени операции против Хамас.

„Нашите тимови идентификуваа 15 мртви и 10 ранети, од кои повеќето беа жени и деца, по израелскиот напад врз три станови (…) во северозападниот дел од градот Газа“, изјави Махмуд Башал, портпарол на службата.

Покрај тоа, „четири маченици и четворица ранети“ беа пронајдени во куќа во градот Беит Лахија, во северниот дел на Појасот Газа, додаде тој.

Вчера, Службата за цивилна заштита во Газа објави дека во израелските напади загинале 26 лица, меѓу кои најмалку 5 деца.