Во Хрватска, откако претпладнево прими вакцина против коронавирус, 88-годишна падна, се онесвести и почина на лице место. Како што објави индекс.хр, жената починала во Стари Перковци, недалеку од Славонски брод.

– За целиот случај е известено и Министерството за здравство, како и Заводот за јавно здравје. Она што во моментот може да кажам е дека ќе следува истрага за чии резултати, јавноста ќе биде благовремено известена, изјави директорот на бродско-посавскиот Завод за јавно здравје, доктор Анте Цвитковиќ.

Неофицијално, жената, во присуство на медицинска сестра, била вакцинирана од докторка по семејна медецина.

ХЗЈЗ и ХАЛМЕД во изјава за јавноста наведуваат дека смртта на 88-годишна жена кај Славонски Брод нема никаква каузална врска со вакцинацијата и дека првите информации покажуваат дека жената починала од срцев удар. Порталот Индекс. хр го пренесе соопштението во целост:

„Агенцијата за лекови и медицински помагала (ХАЛМЕД) и Хрватскиот институт за јавно здравје (ХЗЈЗ) добија извештај за несаканиот настан со фатален исход кај 88-годишно лице поврзан со употребата на вакцината. Спроведена е итна постапка за проценка на овој случај и утврдено е дека нема никаква причинско- последична врска со вакцинацијата.“