Земјотрес на Суматра со јачина од 6,6 степени според Рихтеровата скала

Силен земјотрес со јачина од 6,6 степени според Рихтеровата скала го потресе големиот индонезиски остров Суматра, соопшти американскиот геолошки институт.

Земјотресот е на длабочина од 10 километри.

Засега не се пријавени штети или повредени. Властите не издадоа предупредување за цунами.

Архипелагот се наоѓа во сеизмички активна зона во Тихиот Океан, позната како Огнен прстен, и редовно е на удар на силни земјотреси и вулкански ерупции предизвикани од поместување на литосферните плочи.

Видео на денот