Земај: Граѓаните ќе го казнат Самоопределувањето на избори
Пратеникот на Демократскиот сојуз на Косово Арменд Земај изјави дека „повлекувањето“ на премиерот Албин Курти од север е неопходно, но предоцна и неморално, пренесува Газета Експрес.
Тој рече дека Владата на Косово изгубила четири месеци, а тие што го доведоа Косово на нулта точка, вели, мора да одговараат.
Според него, санкциите на ЕУ се воведени поради неодговорност.
Како што наведе, Самоопределување „се интересира само за милитантите на Фејсбук, а не за Косово“.
Тој посочи дека, доколку има нови избори, граѓаните на Косово ќе го „казнат“ Самоопределувањето, но дека се уште не е вистинскиот момент за избори поради лошите односи со меѓународната заедница.
Најпозитивно и најнапредно однесување би било оставка на оваа влада и излегување на избори, но комплицирано е да се оди на избори во оваа ситуација“, рече меѓу другото Земај.