Здравствен работник од Берово е втората жртва од Ковид-19 во Малешевијата
Здравствен работник од Берово е втората жртва од Ковид-19 во Малешевијата. Станува збор за пациентка на возраст од 57 години која по позитивниот тест пред повеќе од 48 часа, заедно со нејзиниот сопруг, кој исто така е здравствен работник биле примени во болница.
Според информации од лица блиски на пациентите, во текот на вчерашниот ден состојбата на пациентката се искомплицирала по што починала. Според истиот извор и лица со кои контактирал, нејзиниот сопруг е во добра здравствена состојба. Позитивен на Ковид-19 како што додаваат е и нивниот син кој е без симптоми.
За помош на семејството и скапото лекување, како што информираат граѓани, во тек е хуманитарна акција за собирање парични средства.
-Се работи за исклучително пожртвувани здравствени работници кои нема на кого не помогнале, поради што со помош на локалните портали е организирана и акција за собирање парична помош за семејството, информираа граѓани.
Во Берово заклучно со денешниот ден има 8 активни случаи кои се позитивни на Ковид-19.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот