Најголемата сензација на овогодинешното издание на Вимблдон, младата 15-годишна американска тенисерка Кори „Коко“ Гоф е елиминирана во осминафиналето. Таа е поразена од седмата носителка и поранешна најдобра тенисерка на ВТА ранг листата, Симона Халеп во два сета и тоа со 6:3,6:3.

Младата Гоф не се исплаши од искусната романска тенисерка но го плати данокот на неискуството. Дуелот започна со два брејка во првите два гема, но во продолжението на првиот сет, Халеп успеа уште во два наврати да го одзеде сервисот на Гоф и да рутински со 6:3 да го добие првиот сет.
И во вториот сет, речиси идентична слика на почетокот, на брејкот на Халеп, Гоф веднаш одговори на рибрејк. Но во шестиот гем од вториот сет, Халеп повторно прави брејк и предноста ја задржува до крајот на мечот за победа и пласман во четвртфиналето.

За разлика од Гоф, убедлив настап имаа гран слем шампионите, Серена Вилијамс во женска и Рафаел Надал во машка конкуренција.
Вилијамс на два пати со по 6:2 ја победи Карла Суарез Навари и си закажа четвртфинална пресметка со сонародничката Алисон Рикс која направи изненадување и ја елиминира првата светска тенисерка, Ешли Барти.
Рафаел Надал за еден час и 45 минути игра со 6:2,6:2,6:2  славеше против Жоао Соуса.