Штип овој викенд живее во знакот на најпознатиот македонски фестивал на забавни мелодии „Макфест 2023“. На првата фестивалска вечер која се одржа во Домот на културата „Ацо Шопов“, настапија 13 млади музички имиња, а петмина се квалификуваа за настап и на финалната, односно денешната вечер.

Петте избрани учесници од првата вечер се Александра Трајческа, Blue, Драгана Јовановска, Јасмин Алиевски и Тијана Периќ, кои ќе застанат рамо до рамо со денешните изведувачи на макфестовската сцена.

Водители и вечерва ќе бидат Марјана Станојковска и Димитар Атанасовски.

Втората вечер е резервирана за звучни имиња од македонската музичка сцена, а на сцената ќе видиме 18 изведувачи. Вечерта ќе биде од ревијален карактер, што значи дека нема да има гласања, односно ќе биде без доделување награди.