Во недела во Косово ќе се одржат предвремените парламентарни избори, така што изборната кампања на партиите и коалициите е при крај.

Веќе има и пет номинирани кандидати за премиер на Косово, а меѓу нив е и лидерот на Движењето Самоопределување, Албин Курти.

Но тоа што го привлече вниманието на јавноста во изборните собири што ги одржуваше Курти, е и присуството на поубавата половина на овој косовски политичар. Курти се појави заедно со сопругата Рита Аугестад Кнудсен, која според фотографиите кои ги објавуваат косовските медиуми е вистинска дама.

Рита е Норвежанка, а пред да започне изборната кампања, Курти за медиумите откри дека со неа се запознале во Приштина. Парот се во брак од 2015 година и имаат прекрасна ќеркичка по име Леа.

Инаку, на вонредните избори на 6 октомври во Косово учествуваат 25 политички субјекти, а право на глас имаат помалку од два милиони лица.