Припадници на Министерството за внатрешни работи на Србија, Управата за криминалистичка полиција, во соработка со Обвинителството за организиран криминал, американската агенција ДЕА и бугарската полиција, запленија 22 килограми хероин и уапсија седумчлена организирана криминална група.

Според соопштението на српската полиција, во оваа меѓународна акција, во Србија беше уапсен М. С. (1984) од Ниш и М. Т. (1974) од Кајетина биле запленети два килограми хероин, а истовремено српски државјанин Ж. М (1981) бил уапсен во Бугарија. За него постои сомневање дека тој е водачот на оваа криминална група, а бугарските државјани Д. С., А. Н., Г. Х. и Н. Х. и запленети се 20 килограми хероин.

Според полициските податоци оваа група, во текот на изминатата и оваа година, шверцувала хероин од Турција, кој потоа го продавала во Бугарија, САД и Србија.

Поради сомнение дека сториле кривично дело здружување заради извршување кривични дела и неовластено производство и пуштање во промет наркотични средства, одреден им е притвор до 48 часа и со кривична пријава ќе бидат изведени во надлежното обвинителство.