Како загревање за новото издание на фестивалот „Синедејс“ и со поддршка на „Јуроп хаус“ во тек е Европско патувачко кино под отворено небо на кое се прикажуваат европски филмови од понова продукција.

По проекциите во Дебар и во Велес, на 23 и 24 јуни европското патувачко кино е во Битола, каде на платото пред Офицерскиот дом ќе бидат прикажани краткометражни и долгометражни филмови.

На програмата на 23 јуни се македонскиот краток филм „Проблемот на Тина“ во режија на Радован Петровиќ и долгометражниот филм „Фабијан: одејќи накај кучињата“ од Германија.

На 24 јуни ќе бидат прикажани краткиот македонски филм „Перики“ во режија на Ангела Димеска и германскиот игран филм „Јас сум твојот човек“.

По проекциите ќе има тематски разговори кои ќе ги модерира Бојан Станиќ, а како гости ќе учествуваат Елена Ристевска и Благица Димитрова од „Контракадар“.