Одржливата или „зелена“ енергија е меѓу нашите приоритети и за тоа потврдуваат резултатите од меѓународните енергетски организации дека Северна Македонија е на врвот во регионот по искористеност на обновливи извори на енергија, напиша на својот фејсбук профил премиерот на Македонија, Зоран Заев.

„Само за минатата година го зголемивме производство на енергија од обновливи извори на 827 MW, што претставува раст од 10,1% и во рамки на светскиот просек на зголемување од 10,3%. Во овој период максимално ќе инвестираме во обновливи извори на енергија, а согласно планот ИПИ 2021-2027, вложуваме напори да успееме дури и пред земји-членки на ЕУ да ги затвориме јаглените електрани“, вели Заев.