Преспанското Езеро е горлива тема во последната година. Водостојот е намален за три метри и е вечна болка за сите. Науката сè уште нема доволно одговори за тоа што влијае врз моменталната состојба, на оваа тема во „Утрински брифинг“ на „Слободна ТВ“ говори биологот, Даниела Заец.

-Нивото на Преспанско Езеро флуктуира со години. Се случувало и претходно да има понизок водостој. Нè радува што локалното население и јавноста почна да реагира за овој проблем. Топлото и суво време, слабите дождови и снег, се најголемите фактори што го доведоа езерото до ваква состојба. На нивото на езерото влијаат и неодржливите земјоделски практики, исушувањето на блатата, иако сите сме сведоци на долгогодишните флуктуации на нивото на водата, таква е природата на езерото- вели Даниела Заец, биолог.

Сета вода што ја добива најмногу зависи од Преспанскиот Регион, вели Заец, од количеството на врнежи, а последниве години беа многу сушни.