Вучиќ: Постои идеја Косово да биде примено во НАТО
Претседателот на Србија Александар Вучиќ во српскиот парламент како што објавија српските медиуми рече дека постои опасност Косово да биде примено во НАТО.
„Сите се обидуваат да ја натераат Србија да го признае Косово. Очекуваме некому да му падне на памет да го внесе Косово во НАТО и со тоа да натера четири од петте земји на ЕУ да ја признаат независноста и со тоа да не принудат и нас да ја прифатиме“, рече претседателот Вучиќ, нагласувајќи дека Србија тоа никогаш нема да го прифати, дури и ако се оствари.
Зборувајќи за односите со Москва, претседателот Александар Вучиќ потсети дека Србија не воведе санкции кон Русија, дека го почитува претседателот Путин, но за него има само една земја на која и служи, а тоа е Србија.
Попладнево целосен хаос се случи во српското собрание, каде српскиот претседател Александар Вучиќ се обрати пред пратениците, објавувајќи ги деталите од европскиот предлог за Косово.
Ovo je suština opozicije!
Zbog ovoga su danas došli!
Da prave cirkus i incidente i da spreče da se čuje istina koliko puta su prodali, preprodali, poklonili interese Srbije!
Građani sa galerije NSRS koji su došli sa KiM odgovorili su im:” Aco Srbine, Srbija je uz tebe!” pic.twitter.com/LUgHQZOoKI— Sandra Bozic (@BozicSandra) February 2, 2023
Претставници на српската опозиција, предизвикаа инцидент и го прекинаа излагањето на српскиот претседател Александар Вучиќ за европскиот предлог за решение за односите со Косово.
Говорот на Вучиќ беше прекинуван со извици „Предавство“ и „Косово е Србија“, по што тој ја обвини опозицијата дека таа веќе го дала Косово.
Во Собранието на Србија работата беше накратко прекината, бидејќи по вербалниот конфликт меѓу опозицијата и претседателот Вучиќ дојде и до физичка пресметка.
По инцидентот поранешниот претседател на Србија Борис Тадиќ соопшти дека не ја исклучува можноста „скандалот“ во републичкиот парламент да го договориле претседателот Александар Вучиќ и дел од опозицијата, пренесе Бета.
